Banndam en on njaaraama

Caggal yettude Alla e nulaaɗo mum, mi salmonii on mi yettii on kaaɗtudi njettoor, sabu darnde mon feewde e leñol heen, e sahaa nde njiimi Lowre Tabital Pulaagu njanngumi mi weltiima heen no feewi nde wonnoo ko ko njiilotonoomi njiitumi, so yiide pulaar ina ɓamtee; kadi mi tawii heen geɗe mafooje renndo men.

Miɗo jogii eeraango fayde e leñol ngol haa teeŋti noon e sukaaɓe nde tawnoo ko kamɓe gontoyta janngo jaale leñol ngol, sikke alaa hannde o pine keewi cariima e nder winndere hee, mo woni fof inani  yiiroo ina laara ɓamtude pinal mum e dow heddiiɓe ɓee, ɗum noon ina haani ɓesngu men tiinnoo mbele woto pinal men yoolo e nder pine janane, Ko hulɓonii hannde e leñol hee haa arti e sukaaɓe ko nande ina wiyee hannde ko jamaanu waylo-waylo won e geɗe wolla e aadaaji kaanaani waɗeede  ko ngoonga ina woodi huunde nde fotaani waɗeede hannde sabu nde yahdaani e sahaa hannde o; kono yoo tan ko huunde nde ngannduɗen naftataa en , ko ɓuri heewde hannde e aadaaji men koko majji kadi ko enen majjini ɗi, e dow eɗen lomtini ɗoon aadaani janani ɗi ngonaa ɓamtooji en, so en ƴeewi hannde yeru e nder kewuuji men sa arii heen maa taw ko heewi heen wayliima aɗa ara hannde e kew pullo a yiyaata heen maale pulaagu hay seeɗo; tawetee heen ko ɓuri heewde heen kono jiggaa e aadaaji janani, enen eɗen cikka ko ɓamtaare ɓe ñemmbuɗen ɓee ina njiira en koɓum majjere, won heen mbiima addanimme wadde ɗuum ko sehilaaɓe amen ko noon mbaɗata, so wonaano juumre aan sehil maa waɗii aada mum haa a yiyrii gite maa, rewii e pinal mum ; anne waɗ aada maa ndewaa e pinal mbele ma waaw ñemmbeede heen kono alaa somi wayaani noɓe mbayi niih ɓe mbiyata komi yahdaani e jamaanu; e nder aduna hannde o ko tuubakoɓe ɓuri yahrude yeeso kono ɗuum addanaaniɓe woppude aadaaji maɓɓe.

NJahden e jamaanu kono woto ngoppen aadaaji men moƴƴi dimi jogiiɗi teddungal leñol men,ina moƴƴi ngannden e pine kese hee ko potɗen huutoraade, ceernden ko nafata ko e nafataa ko,

Miɗo wasiyoo ɓesngu men nde tiinnoto to bannge jaŋde, sabu kala leñol ngol janngaani hannde heewi ko heede caggal; tiinnoɗen e jokkere enɗam  hakkunde men, Ndenten; Kaalden, Mballondiren; ɓamten lenyol men.

Mi ñaagiima yaafuya e kala juumre.

On njaaraama.