Wanndiraaɓe tedduɓe, ngaree nodden kawral, ngaccen pelooje ɗe ngaddataa ngotaagu leñol men, en nji'ii en ngalaa "Rajo" kaloowo ngonka renndo men, alaa ko haali "Tele" kolliroowo pinal men.

       Musidɓe tedduɓe, ndogen luure ɗe ngalaa ɗo pawii, aan sagata kiranɗo leñol, so bannde noddii dental walla yuɓɓinii koolol, alaa ko woodani en so wonaa notaade he keewal e yettude e sakkude peeje moƴƴe, no panndinirɗe peeje moƴƴe ndañaaɗe heen e pergitte keɓaaɗe heen no ngittirtee.

       Sagataaɓe tedduɓe, eɗen nganndi woni fandaare Tabital Pulaaku : ko ndennden kawren toownen pulaagu, njanngen njannginen ɗemngal men, ñaaƴiren pinal men, haa ngal ŋellitoo wiimtoo he winndere ndee.

      Sehilaaɓe tedduɓe, mi ñaagiima en wota no en cel ngol laawol, wota no en kaawto keewal men so en kawraani en pamondiraani, ngaree momten jinngol hoɗannde daɗɗirangol majjere e puunti jaggitooɓe, mi yettii kala daraniiɗo kawral e poolgu leñol.

 Tijjaani Mbaalo horeejo Tabital Pulaaku Orop.