Ɓaleeɓe he diineeji kammuyankooji
Musidɓe tedduɓe, ɓaleeɓe ɓe iwdi puɗol aadee he tago winndere, on koofnaami, ngaree ndaaren ngonka men he ndeer ndee uppeere leydi, ngam hannde ngonɗen ko he yonta ganndal, neɗɗo fotaani jebbilanaade haala wi’aa, potɗen ko janngude diineeji gaddaaɗi he men, ngati so neɗɗo naattii he diine tawi janngaani haa faami diine oo e renndo joomaaɓe oon diine, maa diine oo ittu he makko geɗe tati, ɗeen ngoni :
1) Tiitoonde jeloode tinndinoore leñol mum, woni : innde e yettoode, ko ɗuum waɗi kala naattuɗo he diine ko maa ɓe ngitta innde maa ndee, ɓe ngokka maa innde joomaaɓe oon diine, ɓe puuynanamaa yettoode maa ndee, ɓe mbi’a maa inɗe maɓɓe ɗee ko inɗe deftere, tee eɗen nganndi diine oo, ko ɗoon tawi inɗe maɓɓe ɗee, so en ngokkirii yeru diine Lislaam, nde tawnoo keeweendi ɓiɗɓe leñol ngol ko heen ngoni, maa en paam, ɓayri baaba Nelaaɗo men mo MUhammadu yoo jam ekisal ngon hemakko, wi’etee ko Abdullaahi, tee o maayii ko adii jibineede Nelaaɗo men, alaa ko haali neleede mbo, kadi nde nelaaɗo men jibinaa femmbaa koMuhammadu, tawi oon tuma taa o nelaaka, ko noon neh yoga he suddiiɓe makko walla wondiiɓe makko, ndeke ko innde hecci diine, tee kadi en nji’ii yoga he yimɓe wonɓe he diine Yahuudu en walla he diine Annasaaraa en, ko inɗe ɗe mbi’eten ko inɗe juulɓe ɗee ɓe pemmbaa. Ɓe calorii jettooje men, ko yiɗde saaynude en he ndeer maɓɓe, kono wonaa wonde ɓe ngalaa jettooje, ngati kamɓe neɗɗo ko innde baaba mum wonta yettoode mum, so tawii ko leƴƴi koɗduɗi he maɓɓe ɗii, ɗi ngonaa iwdi puɗal Arab, ɓeen ina keddii he jettooje maɓɓe.
2) Ɗemngal maa, nde tawnoo eɗen nganndi ko ɗemngal woni ɗaɗol jaati goodal leñol, ko ɗuum waɗi so ɗemngal momtaama leñol majjii, kadi eɗen nganndi ko ɗemngal seerndi hakkunde leƴƴi tago winndere, tee eɗen nganndi mbaadi seerndataa hakkunde ɓaleejo e ɓaleejo wano mum walla daneejo e daneejo wano mum, alaa kohaali hakkunde cooyo e cooyo walla boɗeejo e boɗeejo, ndeke kaawesaaji ɗi Geno (Alla) waɗi he tago mum, ko seerndude gowlaali leƴƴi winndere, foti ko aadee walla ko wonaa aadee, ko ɗuum waɗi kala jiiduɓe ɗemngal ko kamɓe njiidi leñol gootol, ko ɗuumwaɗi ɗemngal heertoraani hoɗannde walla hinnde gollal walla mbaadi keeriindi, ko kala jiiduɓe ɗemngal ko ɓeen njiidi leñol.
3) Tawaa-tawi e pine leñol, so neɗɗo naattii he diine, yimɓe diine ɓee puuynat tawaaɗe maa, ɓe kaɗtamaaɗe, ɓe mbi’a tawaaɗe maa ɗee eɗe kaɗaa « karmi » to senngo Geno, ɓe ndewna heen pinal maa, ɗuum wara coñceendi e ƴoƴe coominooɗe he maggal, ɓe njaaɓnamaa tawaa-tawi e pine maɓɓe, ɓe pamminamaa wonde ɗemɗe maɓɓe ko ɗemɗe njippinaaɗe, ko ɗe haala Geno (Alla), tee ina selli Geno alaa ɗemngal keeroringal, ko kaŋko tagi tagoore makko o loowi he mayre yiɗde makko, alaa hito tagaande makko, ngo o faamataa, alaa ko haali ko waɗata he tagoore makko,tawa wonaa he yamiroore makko, banndiraawoo tedduɗo, eɗen nganndi tago aadee fof ko gootum, ceeral mbaadi e gowlaali tagaaɗe winndere ko hee ŋeeñal Geno e kaawesaaji mum, ko ɗuum waɗi kala mbo golloraani ŋeeñal ngal Geno waɗi he mum walla he tagoore mum,golloriiɗo ngaal ŋeeñal naftoromaa maccinamaa , waɗtamaa kuwtorgal ngal o naftortoo, aan ngontaa kuwtorgal ngal naftortaako doole e semmbe yila mum, seede mum enen ɓaleeɓe en ngontii kuwtorɗe kuwtorteeɗe he ndeer ndee winndere, ngam majjere men e ɗii diineeji kammuyankooji deweteeɗi ɗi paamaaka, ngaree ndewen Geno tawa en maccinanaaki tagaaɗo no men nih.
Sagataaɓe leñol, njanngee paamon pamminon, haa ngiwon he daawe majjere joñƴe en he wimmbo niɓɓere, ngati gila binndol fentaa haa yottii he ñallunge hannde ngee, ko ɗemɗe ɓaleeɓe tan ngoni njolaani he naale binndol.
Banndiraaɓe mi yettii on kaaɗtudi njettoor, yoo naange binndol fooynu he duunde men, mbele eɗen njeyee he suddiiɓe wudere daaɗere (neema) e huñcooɓe tago uppeere leydi e weyaango mum.
.
Musidɓe tedduɓe, ɓaleeɓe ɓe iwdi puɗol aadee he tago winndere, on koofnaami, ngaree ndaaren ngonka men he ndeer ndee uppeere leydi, ngam hannde ngonɗen ko he yonta ganndal, neɗɗo fotaani jebbilanaade haala wi’aa, potɗen ko janngude diineeji gaddaaɗi he men, ngati so neɗɗo naattii he diine tawi janngaani haa faami diine oo e renndo joomaaɓe oon diine, maa diine oo ittu he makko geɗe tati, ɗeen ngoni :
1) Tiitoonde jeloode tinndinoore leñol mum, woni : innde e yettoode, ko ɗuum waɗi kala naattuɗo he diine ko maa ɓe ngitta innde maa ndee, ɓe ngokka maa innde joomaaɓe oon diine, ɓe puuynanamaa yettoode maa ndee, ɓe mbi’a maa inɗe maɓɓe ɗee ko inɗe deftere, tee eɗen nganndi diine oo, ko ɗoon tawi inɗe maɓɓe ɗee, so en ngokkirii yeru diine Lislaam, nde tawnoo keeweendi ɓiɗɓe leñol ngol ko heen ngoni, maa en paam, ɓayri baaba Nelaaɗo men mo MUhammadu yoo jam ekisal ngon hemakko, wi’etee ko Abdullaahi, tee o maayii ko adii jibineede Nelaaɗo men, alaa ko haali neleede mbo, kadi nde nelaaɗo men jibinaa femmbaa koMuhammadu, tawi oon tuma taa o nelaaka, ko noon neh yoga he suddiiɓe makko walla wondiiɓe makko, ndeke ko innde hecci diine, tee kadi en nji’ii yoga he yimɓe wonɓe he diine Yahuudu en walla he diine Annasaaraa en, ko inɗe ɗe mbi’eten ko inɗe juulɓe ɗee ɓe pemmbaa. Ɓe calorii jettooje men, ko yiɗde saaynude en he ndeer maɓɓe, kono wonaa wonde ɓe ngalaa jettooje, ngati kamɓe neɗɗo ko innde baaba mum wonta yettoode mum, so tawii ko leƴƴi koɗduɗi he maɓɓe ɗii, ɗi ngonaa iwdi puɗal Arab, ɓeen ina keddii he jettooje maɓɓe.
2) Ɗemngal maa, nde tawnoo eɗen nganndi ko ɗemngal woni ɗaɗol jaati goodal leñol, ko ɗuum waɗi so ɗemngal momtaama leñol majjii, kadi eɗen nganndi ko ɗemngal seerndi hakkunde leƴƴi tago winndere, tee eɗen nganndi mbaadi seerndataa hakkunde ɓaleejo e ɓaleejo wano mum walla daneejo e daneejo wano mum, alaa kohaali hakkunde cooyo e cooyo walla boɗeejo e boɗeejo, ndeke kaawesaaji ɗi Geno (Alla) waɗi he tago mum, ko seerndude gowlaali leƴƴi winndere, foti ko aadee walla ko wonaa aadee, ko ɗuum waɗi kala jiiduɓe ɗemngal ko kamɓe njiidi leñol gootol, ko ɗuumwaɗi ɗemngal heertoraani hoɗannde walla hinnde gollal walla mbaadi keeriindi, ko kala jiiduɓe ɗemngal ko ɓeen njiidi leñol.
3) Tawaa-tawi e pine leñol, so neɗɗo naattii he diine, yimɓe diine ɓee puuynat tawaaɗe maa, ɓe kaɗtamaaɗe, ɓe mbi’a tawaaɗe maa ɗee eɗe kaɗaa « karmi » to senngo Geno, ɓe ndewna heen pinal maa, ɗuum wara coñceendi e ƴoƴe coominooɗe he maggal, ɓe njaaɓnamaa tawaa-tawi e pine maɓɓe, ɓe pamminamaa wonde ɗemɗe maɓɓe ko ɗemɗe njippinaaɗe, ko ɗe haala Geno (Alla), tee ina selli Geno alaa ɗemngal keeroringal, ko kaŋko tagi tagoore makko o loowi he mayre yiɗde makko, alaa hito tagaande makko, ngo o faamataa, alaa ko haali ko waɗata he tagoore makko,tawa wonaa he yamiroore makko, banndiraawoo tedduɗo, eɗen nganndi tago aadee fof ko gootum, ceeral mbaadi e gowlaali tagaaɗe winndere ko hee ŋeeñal Geno e kaawesaaji mum, ko ɗuum waɗi kala mbo golloraani ŋeeñal ngal Geno waɗi he mum walla he tagoore mum,golloriiɗo ngaal ŋeeñal naftoromaa maccinamaa , waɗtamaa kuwtorgal ngal o naftortoo, aan ngontaa kuwtorgal ngal naftortaako doole e semmbe yila mum, seede mum enen ɓaleeɓe en ngontii kuwtorɗe kuwtorteeɗe he ndeer ndee winndere, ngam majjere men e ɗii diineeji kammuyankooji deweteeɗi ɗi paamaaka, ngaree ndewen Geno tawa en maccinanaaki tagaaɗo no men nih.
Sagataaɓe leñol, njanngee paamon pamminon, haa ngiwon he daawe majjere joñƴe en he wimmbo niɓɓere, ngati gila binndol fentaa haa yottii he ñallunge hannde ngee, ko ɗemɗe ɓaleeɓe tan ngoni njolaani he naale binndol.
Banndiraaɓe mi yettii on kaaɗtudi njettoor, yoo naange binndol fooynu he duunde men, mbele eɗen njeyee he suddiiɓe wudere daaɗere (neema) e huñcooɓe tago uppeere leydi e weyaango mum.
.
Eeraango feewde he ɗanniyankooɓe Afrik
Wanndiraaɓe tedduɓe, so wonii enen ɗanniyankooɓe Afriknaaɓe, en ndaraaki he ɓamtude ɗemɗe ngenndiyankooje Afrik, ɗe ngannduɗaa ko kañje ngoni ɗaɗol ɓamtaare faggudu ngenndiiji men, daaɗere daɗɗiraande haarannduru e cellal, wiimtotaako he renndo hoɗaango men, ndeke hannde ko enen ngoni fooɓre ɓamtaare duunde men Afrik, nde ngannduɗaa majjere ina tuɗi he mayre, haa nde wonti maayo baasal e joote e leeɓte, ko ɗo mayre heege e ñawu e kolndam wonti cetodiiɗo ɓiɗɓe aadee joñiinde laaɓal e senaare, haa suppitii he mayre cewle ñabbuuji boomooji winndere, ko ɗuum addani ɓiɗɓe mayre wontude siccaaɓe dogeteeɓe, alaa ko addi ɗuum so wonaa waaseede winndeede e janngeede ɗemɗe men, ngam ko ɗemngal woni coktirgal ngaandi aadee, tee eɗen nganndi ko binndol woni wakannde mooƒtoore coñceendi e ƴoƴe yila aadee, wota hay gooto sikku ganndal ko jeyal oo walla oo ɗaa, alaa ganndal ko cuuɗiindi coomiindi he yila aadee.
Musidɓe tedduɓe, enen ɗanniyankooɓe wuurɓe he ngenndiiji ɗi ganndal yahri yeeso he majji, haa cikkaa ko ɗe aljannaaji, ko enen ngonta seedtiiɓe nafoore binndol e ɗemngal he ngenndiiji men, ndeke eɗen mari golle buy ɗe potɗen hollude e anndinde banndiraaɓe men Afriknaaɓe, ko goonga Afriknaaɓe njaaɓnaama ɗemɗe janane, kono ɗuum waraani ɗemɗe e pine maɓɓe, kadi Fulɓe mbii : gadiiɗo ma he niɓɓundu wi’amaa reeno jaalal, hannde adii ɓe en he binndol kaalii daawe ɗe ɓe ndewi haa ɓe njottii ɗo ɓe ngoni hannde ɗoo, enen neh potɗen ko rewde ɗeen daawe haa njottoɗen he ruunnde ganndal, mbele eɗen njola he naale karallaagal ɓamtoowal faggude, gaddowal haarannduru e cellal jibinooji daaɗere.
Sagataaɓe tedduɓe, caloɗen wonde rokketeeɓe walleteeɓe kala huunde, ngam en ngonaa waasɓe, ko en majjinaaɓe,ngati eɗen nganndi duunde men Afrik, alaa ko alaa he mayre he ngalu, tee eɗen nganndi naftortoo ngalu mayre ko annduɓe e haralleeɓe jaggitooɓe, hooƴooɓe jemma e ñalooma gume ngalu duunde men naɓta to maɓɓe, ɓe mbedditoo en dooyaate majje, ɗumɗoo alaa ko waawta ɗum ittude so wonaa mbinnden, njanngen ɗemɗe men, haa keɓen annduɓe e haralleeɓe waawooɓe yeñcinde gollorɗe baawooje yaltinde ngalu soomiingu he keeɗe leydi e googirɗe mayri, waawooɓe ɓulnude cewle jarnirteeɗe ndemateeri men, dartinooje njooro tilfoowo lalle men jeñcinooje poofam guurɗe jogiiɗe nguurndam winndere,buurnooje kuulle naftooje aadee he ndeer ndee winndere.
Koninke caliiɗo jebbilanaade majjere, mino yettamaa kaaɗdi njettoor, kadi mino yetta kala neɗɗo pooɗantooɗo ganndal e koongu neɗɗaagu e kala janngoowo ganndal sara he duunde winndere.
Wanndiraaɓe tedduɓe, so wonii enen ɗanniyankooɓe Afriknaaɓe, en ndaraaki he ɓamtude ɗemɗe ngenndiyankooje Afrik, ɗe ngannduɗaa ko kañje ngoni ɗaɗol ɓamtaare faggudu ngenndiiji men, daaɗere daɗɗiraande haarannduru e cellal, wiimtotaako he renndo hoɗaango men, ndeke hannde ko enen ngoni fooɓre ɓamtaare duunde men Afrik, nde ngannduɗaa majjere ina tuɗi he mayre, haa nde wonti maayo baasal e joote e leeɓte, ko ɗo mayre heege e ñawu e kolndam wonti cetodiiɗo ɓiɗɓe aadee joñiinde laaɓal e senaare, haa suppitii he mayre cewle ñabbuuji boomooji winndere, ko ɗuum addani ɓiɗɓe mayre wontude siccaaɓe dogeteeɓe, alaa ko addi ɗuum so wonaa waaseede winndeede e janngeede ɗemɗe men, ngam ko ɗemngal woni coktirgal ngaandi aadee, tee eɗen nganndi ko binndol woni wakannde mooƒtoore coñceendi e ƴoƴe yila aadee, wota hay gooto sikku ganndal ko jeyal oo walla oo ɗaa, alaa ganndal ko cuuɗiindi coomiindi he yila aadee.
Musidɓe tedduɓe, enen ɗanniyankooɓe wuurɓe he ngenndiiji ɗi ganndal yahri yeeso he majji, haa cikkaa ko ɗe aljannaaji, ko enen ngonta seedtiiɓe nafoore binndol e ɗemngal he ngenndiiji men, ndeke eɗen mari golle buy ɗe potɗen hollude e anndinde banndiraaɓe men Afriknaaɓe, ko goonga Afriknaaɓe njaaɓnaama ɗemɗe janane, kono ɗuum waraani ɗemɗe e pine maɓɓe, kadi Fulɓe mbii : gadiiɗo ma he niɓɓundu wi’amaa reeno jaalal, hannde adii ɓe en he binndol kaalii daawe ɗe ɓe ndewi haa ɓe njottii ɗo ɓe ngoni hannde ɗoo, enen neh potɗen ko rewde ɗeen daawe haa njottoɗen he ruunnde ganndal, mbele eɗen njola he naale karallaagal ɓamtoowal faggude, gaddowal haarannduru e cellal jibinooji daaɗere.
Sagataaɓe tedduɓe, caloɗen wonde rokketeeɓe walleteeɓe kala huunde, ngam en ngonaa waasɓe, ko en majjinaaɓe,ngati eɗen nganndi duunde men Afrik, alaa ko alaa he mayre he ngalu, tee eɗen nganndi naftortoo ngalu mayre ko annduɓe e haralleeɓe jaggitooɓe, hooƴooɓe jemma e ñalooma gume ngalu duunde men naɓta to maɓɓe, ɓe mbedditoo en dooyaate majje, ɗumɗoo alaa ko waawta ɗum ittude so wonaa mbinnden, njanngen ɗemɗe men, haa keɓen annduɓe e haralleeɓe waawooɓe yeñcinde gollorɗe baawooje yaltinde ngalu soomiingu he keeɗe leydi e googirɗe mayri, waawooɓe ɓulnude cewle jarnirteeɗe ndemateeri men, dartinooje njooro tilfoowo lalle men jeñcinooje poofam guurɗe jogiiɗe nguurndam winndere,buurnooje kuulle naftooje aadee he ndeer ndee winndere.
Koninke caliiɗo jebbilanaade majjere, mino yettamaa kaaɗdi njettoor, kadi mino yetta kala neɗɗo pooɗantooɗo ganndal e koongu neɗɗaagu e kala janngoowo ganndal sara he duunde winndere.
Jalluɗi leñol
Wanndiraaɓe tedduɓe, boomaare jalluɗi leñol men, ina fotaa faddeede e haɗeede,ngam so on teskiima sukaaɓe nehirteeɓe leeɓte he innde janngineede Qur-aana, ko ɓiɗɓe Fulɓe ɓuri heen heewde, tee alaa ko ɓuri meɗtude daɓiteede enɗam jiɗnaaɓe e haɗteede tawangal renndo hoɗaango.
Musiɗɓe tedduɓe, ngaree ndannden ɗii men jalluɗi cuddiiɗi wudere heege e kolndam, ɓee woɗɗitiiɓe laaɓal e senaare, jebbilaniiɓe ñawu, yooynorteeɓe ustaare, siccaaɓe he renndo hoɗaango, ngam balɗi maɓɓe luuɓɗi, yelneteeɓe jemma e ñalooma, alaa ko faanditaa heen, so wonaa wuurnude ceerno e ɓeyngu mum, jooɗtoriiɗo ko kanko woni neɗɗo Geno (Alla) daraniiɗo diine Lislaam, kolliroowo jeyaa ko he feewɓe foocciiɓe he laawol diine Lislaam, kono so a laartiniima a tawat o jeyaa ko he luutndiiɓe doosɗe diine Lislaam, ngati o jeyaa ko he yimɓe dadiiɓe majjere fawiinde he ganndal taali e jeewte tuugniiɗe he merere, ngam ko kamɓe ngoni fillotooɓe janngo mbo yi’aaka yottaaka.
Sagataaɓe leñol, enen poti miijcaade no ɗii jalluɗi leñol ndanndirtee, ɗi ngannduɗaa ko kañji ngoni ɗaɗol goodal men janngo, ngam eɗen nganndi so jiɗnaaɗo jibinii huufaani, annduɓe njurmaaki, laamu heɓtaani nehira no haaniri, alaa ko heddii so wonaa boomaare e tilfaare leñol, kadi eɗen nganndi so leñol jaaɓnaama puuyndam e maccungaagu, haa tuɗi yilaaji ɓiɗɓe maggol, ngol wuurta ko he naftoreede e saayde he leƴƴi goɗɗi, haaɗtirde maggol ko yeemde he wimmbo majjere.
Koninkooɓe leñol, mino yetta kala jannguɗo faami, fammini goɗɗo walla darii he faddaade ndee boomaare jalluɗi leñol men.
Wanndiraaɓe tedduɓe, boomaare jalluɗi leñol men, ina fotaa faddeede e haɗeede,ngam so on teskiima sukaaɓe nehirteeɓe leeɓte he innde janngineede Qur-aana, ko ɓiɗɓe Fulɓe ɓuri heen heewde, tee alaa ko ɓuri meɗtude daɓiteede enɗam jiɗnaaɓe e haɗteede tawangal renndo hoɗaango.
Musiɗɓe tedduɓe, ngaree ndannden ɗii men jalluɗi cuddiiɗi wudere heege e kolndam, ɓee woɗɗitiiɓe laaɓal e senaare, jebbilaniiɓe ñawu, yooynorteeɓe ustaare, siccaaɓe he renndo hoɗaango, ngam balɗi maɓɓe luuɓɗi, yelneteeɓe jemma e ñalooma, alaa ko faanditaa heen, so wonaa wuurnude ceerno e ɓeyngu mum, jooɗtoriiɗo ko kanko woni neɗɗo Geno (Alla) daraniiɗo diine Lislaam, kolliroowo jeyaa ko he feewɓe foocciiɓe he laawol diine Lislaam, kono so a laartiniima a tawat o jeyaa ko he luutndiiɓe doosɗe diine Lislaam, ngati o jeyaa ko he yimɓe dadiiɓe majjere fawiinde he ganndal taali e jeewte tuugniiɗe he merere, ngam ko kamɓe ngoni fillotooɓe janngo mbo yi’aaka yottaaka.
Sagataaɓe leñol, enen poti miijcaade no ɗii jalluɗi leñol ndanndirtee, ɗi ngannduɗaa ko kañji ngoni ɗaɗol goodal men janngo, ngam eɗen nganndi so jiɗnaaɗo jibinii huufaani, annduɓe njurmaaki, laamu heɓtaani nehira no haaniri, alaa ko heddii so wonaa boomaare e tilfaare leñol, kadi eɗen nganndi so leñol jaaɓnaama puuyndam e maccungaagu, haa tuɗi yilaaji ɓiɗɓe maggol, ngol wuurta ko he naftoreede e saayde he leƴƴi goɗɗi, haaɗtirde maggol ko yeemde he wimmbo majjere.
Koninkooɓe leñol, mino yetta kala jannguɗo faami, fammini goɗɗo walla darii he faddaade ndee boomaare jalluɗi leñol men.
Renndo tuuɗe Afrik
Wanndiraaɓe tedduɓe, renndo tuuɗe Afrik, ko renndo saɗtungo , ngati wuuri he maggo ko saɗtiraaɓe woɗɗitiiɓe daaɗere, heegaaɓe suurtiiɓe joftooɓe he gayɗe koɗanɗe, ɗo neene e baaba e ɓiɗɗo koɗdata he suudu wooturu heɗɗaawo alaa, alaa ko haali wirngallo, woɗɗitiiɓe laaɓal, alaa ko haali senaare, ngam ɓe koɗi ko he koɗanɗe ŋakkaaɗe ndiyam, tunwuɗe ɗe pittetaake, alaa ko haali loteede, ko ɗuum addi haa cellal woɗɗitiiɓe, wuurde maɓɓe wonti wuurde leeɓte, ɗe ngannduɗaa ngalaa happu, nde tawnoo ko baasal woni cetodiiɗo maɓɓe, so a yiɗii ciforaaɓe majjuɓe ɗaminiiɓe, ɓe njonndintaako, ɓe keɓal bettata he nguurndam fin-daw maɓɓe, walla mbi’aa : ko ɓe yurminiiɓe, ɓe njurminaaki, ngam ko ɓe jebbilaniiɓe puuyndam e joote aduna, fawiiɓe he dokkal Geno, yejitɓe ngaal ɓennii, ngam so Geno tagii tagangel mum, alaa ko ŋakki he terɗe maggel, alaa ko heddanii ngel so wonaa gollirde terɗe tagiraaɗe wuurnude ngel. Tee kamɓe fof he waade nih noon, alaa ko woni yi’annde maɓɓe he ɗam nguurndam, so wonaa tuuyo fiɗtaandu, ko nduun addani ɓe wonde jibinooɓe ɓe nehataa cafrataa koltintaa, maa mbi’aa ɓiɗɗo wa’i he maɓɓe ko no kaakol joorngol.
Wanndiraaɓe tedduɓe, ngaree miijcoɗen nguurndam men he ɗee tuuɗe, wota no en puntu ko’e men, ngaree ndarnen renndo goonga dariingo he gollal, tawa wonaa renndo hollinaade e yiɗde janfaade hoɗdaaɓe e fuuntude fummooɓe.
Sagataaɓe dariiɓe dadiiɓe he gollal, mino yetta on e kala caliiɗo jebbilanaade majjere addoore joote e leeɓte, mino yetta kala Afriknaajo pooɗantooɗo ngotaagu Afrik, hono no njettirammi kala neɗɗo daraniiɗo ndimaagu aadee he ndeer ndee winndere, kadi mino jaara kala dariiɗo he janngude ɗemngal mum e ŋellitde pinal leñol mum, ngam alaa ko waawta en yaltinde he ɗeeleeɓte, so wonaa janngude ɗemɗe men, tawa ɗe njanngiraa ko jannde ganndal naftoowal he renndo hoɗaango aadee, ɓamtoowal faggo ngalu ngenndi, tafoore ngenndiyankooɓe darantooɓekisal renndo, faddotooɓe heege e ñawu e baasal, yooltooɓe jojjanɗe ɓiɗɓe ngenndi, mino toroo Geno yoo addu semmbe kawral ɓiɗɓe Afrik, haa ɓe naftoroo ngalu neesu duunde maɓɓe.
Wanndiraaɓe tedduɓe, renndo tuuɗe Afrik, ko renndo saɗtungo , ngati wuuri he maggo ko saɗtiraaɓe woɗɗitiiɓe daaɗere, heegaaɓe suurtiiɓe joftooɓe he gayɗe koɗanɗe, ɗo neene e baaba e ɓiɗɗo koɗdata he suudu wooturu heɗɗaawo alaa, alaa ko haali wirngallo, woɗɗitiiɓe laaɓal, alaa ko haali senaare, ngam ɓe koɗi ko he koɗanɗe ŋakkaaɗe ndiyam, tunwuɗe ɗe pittetaake, alaa ko haali loteede, ko ɗuum addi haa cellal woɗɗitiiɓe, wuurde maɓɓe wonti wuurde leeɓte, ɗe ngannduɗaa ngalaa happu, nde tawnoo ko baasal woni cetodiiɗo maɓɓe, so a yiɗii ciforaaɓe majjuɓe ɗaminiiɓe, ɓe njonndintaako, ɓe keɓal bettata he nguurndam fin-daw maɓɓe, walla mbi’aa : ko ɓe yurminiiɓe, ɓe njurminaaki, ngam ko ɓe jebbilaniiɓe puuyndam e joote aduna, fawiiɓe he dokkal Geno, yejitɓe ngaal ɓennii, ngam so Geno tagii tagangel mum, alaa ko ŋakki he terɗe maggel, alaa ko heddanii ngel so wonaa gollirde terɗe tagiraaɗe wuurnude ngel. Tee kamɓe fof he waade nih noon, alaa ko woni yi’annde maɓɓe he ɗam nguurndam, so wonaa tuuyo fiɗtaandu, ko nduun addani ɓe wonde jibinooɓe ɓe nehataa cafrataa koltintaa, maa mbi’aa ɓiɗɗo wa’i he maɓɓe ko no kaakol joorngol.
Wanndiraaɓe tedduɓe, ngaree miijcoɗen nguurndam men he ɗee tuuɗe, wota no en puntu ko’e men, ngaree ndarnen renndo goonga dariingo he gollal, tawa wonaa renndo hollinaade e yiɗde janfaade hoɗdaaɓe e fuuntude fummooɓe.
Sagataaɓe dariiɓe dadiiɓe he gollal, mino yetta on e kala caliiɗo jebbilanaade majjere addoore joote e leeɓte, mino yetta kala Afriknaajo pooɗantooɗo ngotaagu Afrik, hono no njettirammi kala neɗɗo daraniiɗo ndimaagu aadee he ndeer ndee winndere, kadi mino jaara kala dariiɗo he janngude ɗemngal mum e ŋellitde pinal leñol mum, ngam alaa ko waawta en yaltinde he ɗeeleeɓte, so wonaa janngude ɗemɗe men, tawa ɗe njanngiraa ko jannde ganndal naftoowal he renndo hoɗaango aadee, ɓamtoowal faggo ngalu ngenndi, tafoore ngenndiyankooɓe darantooɓekisal renndo, faddotooɓe heege e ñawu e baasal, yooltooɓe jojjanɗe ɓiɗɓe ngenndi, mino toroo Geno yoo addu semmbe kawral ɓiɗɓe Afrik, haa ɓe naftoroo ngalu neesu duunde maɓɓe.
Musidɓe tedduɓe, mino hoofna on, hoofnaandu uurndu enɗam pulaagu, mino ñaagii kala sagata leñol, yoo immo daroo, dadoo kiram leñol, haa Tabital Pulaaku Winndere immoo he lofannde nde irii he mun ndee, ngam alaa pullo caliiɗo muyaaɗe TPW, alaa ko haali eɓɓooje maggal, yoo en nganndu duunde men Afrik, hannde artii ɗo Fulɓe mbiita : bahe cumdii, gooto fof yoo ñippu waare mun ndee.
Wanndiraaɓe hay gooto haɗaaka rewde tuuyo mum diine walla dawrugol walla yiɗde hoɗannde mum walla hinnde gollal mum, kono ngaree ndennden he ko Geno renndini en he mun koo, woni ɗemngal men e pinal men, ngam enen nganndi so TPW laataaki jaŋde ɗemngal men lohat, ŋellitgol pinal men saɗtat.
Sagataaɓe leñol hannde en njottiima he tolnde ɗo gooto ɗaccirtaake wulaango mum. Mi yetti on, no Geno wallu en he ngotaagu e kawral, haa poolen majjere jibinoore baasal e ñawu, ngonen he jam.
TIJJAANE MBAALO HOREEJO TABITAL PULAAKU OROP
BORDEAUX FRANCE
Wanndiraaɓe hay gooto haɗaaka rewde tuuyo mum diine walla dawrugol walla yiɗde hoɗannde mum walla hinnde gollal mum, kono ngaree ndennden he ko Geno renndini en he mun koo, woni ɗemngal men e pinal men, ngam enen nganndi so TPW laataaki jaŋde ɗemngal men lohat, ŋellitgol pinal men saɗtat.
Sagataaɓe leñol hannde en njottiima he tolnde ɗo gooto ɗaccirtaake wulaango mum. Mi yetti on, no Geno wallu en he ngotaagu e kawral, haa poolen majjere jibinoore baasal e ñawu, ngonen he jam.
TIJJAANE MBAALO HOREEJO TABITAL PULAAKU OROP
BORDEAUX FRANCE
]]>
